Azərbaycan yığması Tokio-2020 Yay Olimpiya Oyunlarında daha bir medal qazanıb.

Apasport.az saytının məlumatına görə, buna qadın güləşçimiz Mariya Stadnik nail olub.

50 kq çəki dərəcəsində bir gün əvvəl yarımfinalda uduzan güləşçimiz bürünc medal uğrunda mübarizədə Namuuntsetseq Oçiri (Monqolustan) asanlıqla (10:0) məğlub edib.

Olimpiadanı 3-cü pillədə tamamlayan Stadnik millimizin aktivinə 7-ci medalı yazdırıb. Bu, güləşçimizin Olimpiadada 4-cü mükafatı olub. 

Qeyd edək ki, bununla Azərbaycan yığması Tokio-2020-ni 7 medalla tamamlayıb. Stadniklə yanaşı, cüdoçu İrina Kindzerska (+78 kq), boksçu Alfonso Dominqes (81 kq) və yunan-Roma güləşçisi Rafiq Hüseynov (77 kq) bürünc, karateçilər İrina Zaretska (+61 kq), Rafael Ağayev (75 kq) və sərbəst güləşçi Hacı Əliyev (65 kq) isə gümüş mükafata layiq görülüb.

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu