Pekin-2022 Qış Olimpiya Oyunları ilə bağlı xüsusi qaydalar açıqlanıb.

Apasport.az saytının məlumatına görə, Beynəlxalq Olimpiya Komitəsi koronavirus səbəbindən qeyri-adi yeniliklərə də əl atmağa hazırdır.

Hokkey yarışlarında iki çempion ola bilər. Yarımfinaldan sonra həm qızıl, həm bürünc medal uğrunda matça çıxacaq komandaların tərkibində 15-dən az yoluxmamış sahə oyunçusu və 2-dən az qapıçı olsa, qarşılaşmalar baş tutmadan medallar veriləcək. İki komandaya çempionluq, ikisinə üçüncülük təqdim olunacaq.

Əgər finalçılardan biri bu yolla sıradan çıxsa, 3-cü yer uğrunda görüşün qalibi digər finalçı ilə üz-üzə gələcək.

Qeyd edək ki, Olimpiada fevralın 4-20-də keçiriləcək.
 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb