Gənclər və İdman Nazirliyinin təşkilatçılığı ilə Olimpiya idman növləri üzrə federasiyaların rəhbər şəxsləri və milli komanda məşqçilərinin ümumi yığıncağı keçirilib.

Apasport.az saytının məlumatına görə, gənclər və idman naziri Fərid Qayıbov yığıncağın gündəliyinə əsasən, federasiya rəsmiləri və mütəxəssislərin qaldırdıqları problemləri və təkliflərini dinləyib, onların qarşıdakı iş planları, proqramları ilə maraqlanıb.

Tədbirdə Tokio-2020-yə hazırlıq prosesinin və nəticələrin təhlili; Paris-2024 Yay Olimpiya Oyunlarına hazırlıq planları; federasiyaların strateji inkişaf planının hazırlanması; istiqamətlər üzrə inkişaf proqramlarının hazırlanması; idman növləri üzrə milli komandaların hazırlığı və yarışlarda iştirakı; maddi-texniki bazadan səmərəli istifadə; federasiyaların beynəlxalq əlaqələri, maliyyə, marketinq fəaliyyəti, sponsorların cəlb olunması; federasiyalarda mətbuat xidməti işinin təkmilləşdirilməsi; federasiyaların akkreditasiyası və digər məsələlər müzakirə edilib.

Tədbirin sonunda Fərid Qayıbov səslənən təkliflərin ümumiləşdirilərək müzakirə ediləcəyini və federasiyaların iştirakı ilə belə görüşlərin mütəmadi olaraq təşkil ediləcəyini bildirib.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib