“Bu, inanılmaz dərəcədə ağlasığmaz idi. Mən təkcə özümə deyil, bütün kollektivə görə sevinirəm”.

Apasport.az saytının məlumatına görə, bunu İtaliya karateçisi Luici Busa (75 kq) deyib.

Tokio-2020 Yay Olimpiya Oyunlarının çempionu adını finalda Rafael Ağayevə qalib gələrək qazanan Busa qızıl medal sevincini gizlətməyib: “Əslində, hələ hər şeyi dərk edə bilmirəm. Bu, möhtəşəm səfər idi. Bütün İtaliya karatesinə görə xoşbəxtəm”.

Qrupda məğlub etdiyi Rafaelə finalda da qalib gələn Busa 1:0 hesablı qələbədən sonra “Ana, mən bunu bacardım” qışqırmasının səbəbini də açıqlayıb: “Bu qələbəni 34 il gözlədim. İndi yatmasam da olar. Yarışa yaxşı köklənsəm də, ilk döyüşlərdə o qədər yaxşı çıxış etmədim. Sonradan vəziyyəti düzəltdim. Yarımfinal möhtəşəm alındı. Final isə möcüzə idi. Əgər bu yuxudursa, imkan verin, xəyallarıma qovuşum”.
 

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib