UEFA Danimarka millisinin yarımmüdafiəçisi Kristian Eriksenə jest edib.

Apasport.az saytının məlumatına görə, qitə futbol qurumu ulduz futbolçunu AVRO-2020-nin final matçına dəvət edib.

Eriksenlə yanaşı, onun həyat yoldaşı, həmçinin Finlandiya ilə qarşılaşma zamanı huşunu oyunçunu xilas edən həkimlər də həlledici qarşılaşmaya dəvətlidirlər. Danimarka millisi turnirdə finala yüksəlsə də, yüksəlməsə də, Eriksen qəbul edəcəyi təqdirdə, iyulun 11-də Londondakı “Uembli” stadionunda keçiriləcək final matçının fəxri qonağı olacaq.

Qeyd edək ki, iyunun 12-də keçirilən Danimarka – Finlandiya (0:1) görüşünün birinci hissəsində huşunu itirən və ürəyi dayanan Kristian Erikseni təxminən 15 dəqiqəlik tibbi müdaxilə nəticəsində həyata qaytarmaq mümkün olub. Sonradan 29 yaşlı pleymeykerin infarkt keçirdiyi açıqlanıb.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO