Azərbaycan Kikboksinq Federasiyasında yeni təyinat rəsmiləşib.

Apasport.az saytının məlumatına görə, üçqat dünya və Avropa çempionu Ramal Aslanov federasiyanın vitse-prezidenti vəzifəsinə təyin olunub.

Bu barədə qərarı qurumun idarə heyətinin sədri Adil Əliyev və prezident Orxan Əliyev verib. 29 yaşlı əməkdar idman ustası bundan sonra federasiya rəhbərliyində yer alacaq.

Qeyd edək ki, Aslanov 11 qat Azərbaycan çempionudur. O, peşəkarlar arasında İKBO, WAC, WMAO, FF, WCF versiyaları üzrə dünya kəmərinin sahibidir, 2 dəfə dünya Qran-prisinin çempionudur. Ramal peşəkar karyerasında 37 döyüşdə 33 dəfə qalib gəlib.

• Kamandan oxatma üzrə Bakı şəhər kubokunun II mərhələsi keçiriləcək
• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir