Tokio-2020 Yay Olimpiya Oyunlarında iştirakdan imtina edən ulduzlar sırasına biri də əlavə olunub.

Apasport.az saytının məlumatına görə, dünyanın 6-cı raketkası Sofiya Kenin Yaponiya paytaxtında təşkil olunacaq yarışda iştirak etməyəcək.

Bunu 22 yaşlı ABŞ tennisçisinin özü açıqlayıb: “Olimpiadada oynamayacağam. Bu, çətin qərar idi, amma bunu agentlərimlə müzakirə etdik. Mən öz komandamdan heç kimi apara bilməyəcəkdim. Bu da müəyyən qədər mənim istədiyim deyil. Bu, asan deyildi, mən Olimpiya Oyunlarını sevirəm”.

Qeyd edək ki, Keninə qədər 3-cü raketka rumıniyalı Simona Halep və reytinqin səkkizincisi ABŞ təmsilçisi Serena Uilyams da Tokio-2020-yə qatılmayacağını açıqlayıb.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO