AVRO-2020-nin yarımfinal və final matçlarının Londondakı “Uembli” stadionunda təşkili ilə bağlı heç bir problem yoxdur.

Apasport.az saytının məlumatına görə, bunu UEFA-nın mətbuat xidməti yayıb.

Bildirilib ki, iyulun 11-də keçirilməsi nəzərdə tutulan həlledici qarşılaşma Londondan alınmayacaq: “UEFA İngiltərə Futbol Assosiasiyası və yerli qurumlarla “Uembli”də keçiriləcək yarımfinal və final oyunları üçün sıx çalışır. Bu görüşlərin məkanının dəyişdirilməsi ilə bağlı heç bir planımız yoxdur”.

Qeyd edək ki, İtaliyanın baş naziri Mario Draqi və onun almaniyalı həmkarı Angela Merkel dünən təşkil olunan birgə mətbuat konfransında İngiltərədə koronavirusun yeni növünün yayılması səbəbindən final görüşünün həmin ölkədən alınmasının tərəfdarı olduqlarını açıqlayıblar.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO