Azərbaycan yığmasının daha bir cüdoçusu Tokio-2020 Yay Olimpiya Oyunlarında çıxışını yekunlaşdırıb.

Apasport.az saytının məlumatına görə, Zelim Kotsoyev yarışı medalsız başa vurub.

100 kq çəki dərəcəsində mübarizə aparan təmsilçimiz 1/8 finalda məğlub olub.

Cüdo
29 iyul
100 kq
1/16 finalda Fransa təmsilçisi Aleksandr İddirlə qarşılaşan 23 yaşlı Zelim Kotsoyev vazari ilə qalib gəlib. Təəssüf ki, o, uğurlu çıxışını davam etdirə bilməyib. 

Kotsoyev 1/8 finalda Şadi Elnahas səddinə ilişib. Kanada idmançısı ipponla qalib gəlib. Təmsilçimiz isə mübarizəni dayandırmalı olub.

Qeyd edək ki, Tokio-2020-də 9 cüdoçu ilə təmsil olunan Azərbaycan yığmasının heyətində bundan əvvəl Kəramət Hüseynov (60 kq), Aişə Qurbanlı (48 kq), Orxan Səfərov (66 kq), Rüstəm Orucov (73 kq), Murad Fətiyev (81 kq) və Məmmədəli Mehdiyev (90 kq) yarışı medalsız başa vurublar.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO