“Qarabağ” Avropa Liqasında start rekorduna imza atıb.

Apasport.az saytının məlumatına görə, Qurban Qurbanovun yetirmələrinin cari mövsümün ilk iki turunda göstərdiyi nəticə Azərbaycan klublarının bu turnirdəki ən yaxşı göstəricisidir.

İlk turda “Frayburq”a 1:2 hesabı ilə uduzub, ardınca Bakıda “Nant”ı 3 cavabsız qolla darmadağın edən Ağdam klubunun aktivində iki oyuna üç xal var. “Qarabağ” tarixində üçüncü dəfə Avropa Liqasına belə başlayır.

Lakin 2015/19 mövsümündə mənfi, 2021/22 mövsümündə bərabər saldoya malik ağdamlılar bu dəfə top fərqində müsbətə imza atıb. Bu da Avropa Liqasının qrupu üçün ən yaxşı nəticədir.

Azərbaycan ümumilikdə 10-cu dəfə bu turnirin əsas raundunda mübarizə aparır. 1 dəfə “Neftçi”, 2 dəfə “Qəbələ”nin qatıldığı qrupda “Qarabağ” 7-ci dəfə çıxış edir. Xal sayında rekordunu təkrarlayan və ən yaxşı top fərqinə malik olan Qurbanovun komandası rəqib qapılarına 4 dəfə yol tapıb. Bu da üç il əvvəlki rekordun təkrarıdır.

Qeyd edək ki, ötən mövsüm “Qarabağ” qrup mərhələsinin ilk iki oyununda 4 xal toplayıb. Amma həmin vaxt təmsilçimiz Avropa Liqası deyil, Konfrans Liqasında qüvvəsini sınayıb.

Azərbaycan klubları Avropa Liqasının startdakı iki turunda: