“Qarabağ” daha bir ilkə imza atıb.

Apasport.az saytının məlumatına görə, Qurban Qurbanovun yetirmələri avrokuboklarda qrup üçüncüsü kimi digər turnirə düşən ilk Azərbaycan klubu olub.

Təmsilçimiz Avropa Liqasında qrupundan Konfrans Liqasının pley-offuna düşüb. Qurban Qurbanovun yetirmələri bunu bacaran ilk Azərbaycan klubu kimi tarixə düşüb. 

Bu, VI turda rəsmiləşib. Bakıda “Frayburq”la görüşən “Qarabağ” 1:1 hesablı heç-heçə ilə G qrupunda 3-cü yeri tutub. “Nant”ın Yunanıstanda “Olimpiakos”u 2:0 hesabı ilə udması çempionumuzu Konfrans Liqasına daşıyıb.

Bununla da “Qarabağ” həm də bir mövsümdə hər üç avrokubokda oynayan ikinci Azərbaycan klubu olub. Ötən mövsüm “Neftçi”də Çempionlar Liqasından Avropa Liqasına, oradan da Konfrans Liqasına düşmüşdü. Amma bakılılar qrupa qədər mübarizəni dayandırmışdı.
 

• Arda Gülər "Fənərbaxça"ya qayıtmaq istəyir
• Böyükağa Ağayev: "Qarabağ"ın qələbəsi çox çətin oldu"
• "Araz-Naxçıvan"ın legionerinə Premyer Liqadan tələb var
• Cavid Hüseynov "Səbail"in baş məşqçi postuna təyin olunub - Rəsmi
• Tahir Süleymanov: "Həmin görüş daha geniş məna daşıyırdı"