Azərbaycanın güləş üzrə milli komandaları Paris olimpiadasına son hazırlıq prosesinə start verib.

Apasport.az federasiyanın mətbuat xidmətinə istinadən xəbər verir ki, iyulun 17-dən etibarən sərbəst və qadın güləşi yığmalarımız Quba Olimpiya İdman Kompleksində təlim-məşq toplanışına başlayıb.

Yunan-Roma güləşçilərimiz isə ayın 21-dən həmin məkanda son hazırlıq prosesinə start verəcəklər.

Hər 3 komandanın Yay Olimpiya Oyunlarına hazırlıq xarakteri daşıyan son toplanışı iyulun 31-dək davam edəcək. Hazırlıq prosesində taktiki-texniki çalışmalara, rəqiblərin fərdi təhlilinə üstünlük veriləcək.

Azərbaycan güləşçiləri avqustun 2-də Fransaya yollanacaqlar. Paris-2024-də güləş yarışı avqustun 5-11-i aralığında baş tutacaq.

• Ferdi Kadıoğlunun rekordu tarixə düşüb
• “Şamaxı”dan növbəti transfer
• "Qarabağ" yoldaşlıq oyununda məğlub olub - YENİLƏNİB
• Eltun Turabov “Karvan”da
• Gürcü futbolçu daha 2 il “Zirə”də - RƏSMİ