Yevlax rayonunda ağır avtomobil qəzası baş verib.

Apasport.az xəbər verir ki, 2 avtomobilin toqquşması nəticəsində 1 nəfər ölüb, daha 5 nəfər xəsarət alıb.

Tanrıqulular kəndində “Opel” və “Hyundai” markalı avtomobillərin toqquşması nəticəsində Mingəçevir şəhər sakini, 1971-ci il təvəllüdlü Əliyev Zabit Əli oğlu aldığı ağır xəsarətlərdən dünyasını dəyişib.

Bakı şəhər sakinləri, 1988-ci il təvəllüdlü Elmin Vilayət oğlu Süleymanov, 1984-cü il təvəllüdlü Babayev Rəsul Sərvan oğlu, 1974-cü il təvəllüdlü Haşımov Ceyhun Səfər oğlu, 1999-cu il təvəllüdlü Abdullayev Asif Abdulla oğlu və 1984-cü il təvəllüdlü Rəcəbov Rövşən Kərim oğlu müxtəlif dərəcəli bədən xəsarətləri ilə xəstəxanaya yerləşdiriliblər.

Xəsarət alanlar futbol üzrə Azərbaycan I Divizionunun XIV turu çərçivəsində bu gün keçirilmiş “Mingəçevir” – “Qaradağ Lökbatan” oyununa təyinat almış hakimlər və hakim-inspektordur. Belə ki, “Qaradağ Lökbatan”ın 2:0 qalib gəldiyi oyunda Rövşən Rəcəbov baş hakim olubsa, Elmin Süleymanov və Asif Abdullayev yan xətt hakimi, Rəsul Babayev isə dördüncü hakim kimi fəaliyyət göstərib. Ceyhun Haşımov isə bu matçın hakim-inspektoru olub. Hadisə onlar oyundan sonra Bakıya qayıdarkən baş verib.

Faktla bağlı araşdırma davam etdirilir.

• Rəşad Sadıqov: “Avrokuboklar bizim əsas məqsədimizdir”
• Füzuli Məmmədov: “Hakimlər bizim matçlarda çox diqqətli olsunlar”
• “Zirə”dən minimalhesablı qələbə - YENİLƏNİB
• Jorj Kaşkilya: “Azarkeşlərin "Qarabağ"ı dəstəkləməsi oyunçularıma motivasiya verirdi”
• Qurban Qurbanov: “Belə meydançada oynamağa necə icazə verilir?”