Azərbaycanlı FIFA referisi Elçin Məsiyev növbəti təyinat alıb.

Apasport.az saytının məlumatına görə, referi Konfrans Liqasının II təsnifat mərhələsinin matçını idarə edəcək.

Məsiyev iyulun 21-də keçiriləcək “Rapid” (Vyana, Avstriya) – “Lexiya” (Polşa) qarşılaşmasında ədaləti bərpa edəcək. Ona Elşad Abdullayev və Pərvin Talıbov kömək edəcəklər. Dördüncü hakim funksiyasını Kamal Umudlu yerinə yetirəcək.

Hakimlərimizin işinə görüşün hakim-inspektoru olan ukraynalı Viktor Şvetsov qiymət verəcək. Qarşılaşmanın UEFA nümayəndəsi isə Aristidis Stavropulos (Yunanıstan) olacaq.

Qeyd edək ki, bu komandalar arasında Polşadakı cavab matçı iyuun 28-də keçiriləcək.