Kamandan oxatma üzrə Bakı şəhər kubokunun I mərhələsi çərçivəsində böyüklər və U15 kateqoriyaları üzrə növbəti yarış günü gərgin idman mübarizəsi ilə başa çatıb. 

Apasport.az xəbər verir ki, böyüklər arasında keçirilən yarımfinal mərhələlərinin nəticələrinə əsasən, qadınlar kateqoriyasında Yaylagül Ramazanova və Lalə İsmayılova qızıl medal uğrunda, Aliyə Əliyeva və Lalə Əbdürəhmanova isə bürünc medal uğrunda qarşılaşacaqlar.

Kişilər arasında isə final görüşündə Məhəmmədəli Əliyev və Sərdar Vəliyev qızıl, Hüseyn Məhərrəmov və Zahid Kazımzadə isə bürünc medal uğrunda hədəf qarşısına çıxacaqlar.

Mövcud reqlamentə əsasən, qızıl medal uğrunda mübarizədə ikinci pilləni tutan idmançılar gümüş medalla mükafatlandırılacaqlar.

Eyni zamanda, yarış proqramına uyğun olaraq U15 kateqoriyası üzrə yeniyetmə idmançıların təsnifat mərhələsi yekunlaşmışdır. Gənc oxatanların yüksək əzmkarlıq nümayiş etdirdiyi bu kateqoriya üzrə həlledici yarımfinal və final görüşləri sabah baş tutacaq və fəxri kürsünün sahibləri müəyyənləşəcəkdir. Yarışların yekununda qalib gələn idmançılar müvafiq dərəcəli medal və diplomlarla təltif olunacaqlar.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə