“Neftçi” Belarus millisinin hücumçusu Yeqor Boqomolskini transfer edib.

Apasport.az saytı xəbər verir ki, bu barədə belaruslu jurnalist Vladislav Tatur teleqram səhifəsi vasitəsilə məlumat yayıb.

O bildirib ki, 22 yaşlı forvardın karyerasını Azərbaycan klubunda davam etdirəcəyi artıq dəqiqləşib. Tatur qeyd edib ki, martda Boqomolski “Minsk”lə ilin sonuna qədər müqavilə imzalasa da, bu, bakılılar üçün problem yaratmayıb: “Azərbaycan klubu hücumçuya görə müqavilədə nəzərdə tutulan təzminatı ödəyəcək. Tezliklə tibbi müayinə və müqavilə imzalanacaq. Futbolçu artıq Azərbaycana uçub”.

Qeyd edək ki, Yeqor Boqomolski bu mövsüm Belarus çempionatında keçirdiyi 15 oyunda 8 qol vurub, 2 məhsuldar ötürmə verib. O, bu ildən Belarus millisinə çağırılır.
 

• Şamaxıda "Milli Mətbuat – 150" minifutbol turniri start götürüb - FOTO
• Yeniyetmə cüdoçular arasında ACF Kubpku keçirilib
• Utziq Azərbaycana qayıtmaq istəməyib, amma…
• “Qarabağ”ın təşkilatçılığı ilə Milli Mətbuatın 150 illiyinə həsr olunan futbol turniri keçirilib - FOTO
• “Karvan”da ayrılıq - RƏSMİ