Azərbaycan millisinin baş məşqçisi Canni de Byaziyə yeni köməkçi təyin olunacaq.

Apasport.az saytının əldə etdiyi məlumata görə, bu dəfə yerli mütəxəssisin məşqçilər korpusuna cəlb olunması gözlənilir.

Fabio Qallonun İtaliyanın C seriyasındakı komandası “Fodja”ya baş məşqçi təyinatından sonra boş qalan yerə 5 namizəd var. Bunlar Aftandil Hacıyev, Yaşar Vahabzadə, Mirbağır İsayev, Yunis Hüseynov və Vəli Qasımovdur. AFFA rəhbərliyi Arif Əsədovla yanaşı, adıçəkilən mütəxəssislərdən birini italiyalı çalışdırıcıya köməkçi götürməyi planlaşdırır.

Qeyd edək ki, 2020-ci ildən Azərbaycan millisinə rəhbərlik edən Canni de Byazi bu yaxınlarda AVRO-2024-ün seçmə mərhələsinin sonuna qədər nəzərdə tutulan yeni müqavilə imzalayıb.

• Tahir Gözel: “Qarabağ” gələcək nəsillərə qalacaq bir mirasdır”
• “Turan Tovuz” – “Fənərbaxça” matçının başlama saatı bəlli oldu
• Millimiz Qəbələdə ilk yoxlanış matçını keçirib
• Prezident çempionatla bağlı sərəncam imzaladı
• AMADA UEFA Gənclər Liqasında mübarizə aparacaq "Qarabağ"ın U-19 komandası üçün seminar keçirib