AFFA Hakimlər Komitəsinin sədri Frank De Bleker Azərbaycan Premyer Liqasının VII turunun "Turan Tovuz" - "Araz-Naxçıvan" matçındakı mübahisəli epizodu şərh edib.

Apasport.az xəbər verir ki, o, vəziyyətin təhlükəli, lakin qəsdlə baş vermədiyini bildirib: 

"Top havada olan zaman “Araz-Naxçıvan” komandasının 16 nömrəli oyunçusu Ramon Maçado topa oynamaq istəyir və ayağının ucu ilə “Turan-Tovuz” komandasının 5 nömrəli futbolçusu Roderik Millerin baş nahiyəsinə  zərbə endirir.

Hakim oyunçunun düşüncəsiz davranışına görə ona sarı vərəqə göstərir. 

Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik.
O, ayağının ucu ilə (butsun altı ilə deyil) müdafiəçinin üzünə aşağı intensivliklə və o qədər də güclü olmayan zərbə endirir.

Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas, qayda pozuntusu deyil".

Qeyd edək ki, görüş "Araz-Naxçıvan"ın qələbəsi ilə bitib - 2:1.

• Elçin Məmmədov "Fənərbaxça"nın avrokubok matçına təyinat alıb
• "Qarabağ" UEFA tərəfindən külli miqdarda cərimələndi
• UEFA "Zirə"yə xəbərdarlıq edib
• Aydın Bayramov: “Burda hər komanda istədiyi kimi oyun sərgiləyə bilmir”
• Ağstafada futbol festivalı keçirilib - FOTO