Zaqreb “Dinamo”su futbolçusu Mahir Emrelinin FIFA tərəfindən cəzalandırılmasına reaksiya göstərib.

Apasport.az xəbər verir ki, Xorvatiya klubu bununla bağlı bəyanat yayıb.

Bəyanatda ali futbol qurumunun verdiyi cəza təsdiqlənib: “FIFA-nın futbolçumuz Mahir Emreli ilə bağlı qərarı bu gün Xorvatiya Futbol Assosiasiyası vasitəsilə “Dinamo”ya çatdırılıb. “Dinamo” bu prosesdə bitərəfdir. Mahir Emrelinin “Legiya”ya olan bütün borcu ödənilənə qədər FIFA-nın diskvalifikasiya ilə bağlı qərarı tətbiq ediləcək”.

Qeyd edək ki, FIFA sabiq klubu “Legiya” qarşısında maliyyə öhdəliklərini yerinə yetirmədiyi üçün Mahir Emrelinin futbolla bağlı bütün fəaliyyətinə qadağa qoyub.

• Azərbaycan millisinin üzvü futboldan uzaqlaşdırılıb - Rəsmi
• "Turan Tovuz" akademiyasının məşqçiləri məktəblilərlə görüşüb
• Prezident: U-20 Dünya çempionatını Azərbaycanda və Özbəkistanda təşkil etmək ortaq tarixi nailiyyətdir
• Samir Abasov dörd oyunluq cəza alıb
• Azərbaycan millisinin UEFA İnkişaf Turniri üçün heyəti və oyunlarının təqvimi müəyyənləşib