“Daha yaxşı oynayıb, çox xal yığa bilərdik”.

Apasport.az saytının məlumatına görə, bunu Azərbaycan millisinin futbolçusu Emin Mahmudov deyib.

Yığmanın kapitanı Millətlər Liqasının Qazaxıstanla sabah keçiriləcək oyunu ərəfəsində təşkil olunan mətbuat konfransında fikirlərini açıqlayıb: “Potensialımız buna imkan verir. Bəzi görüşlərdə bacardığımızdan aşağı səviyyədə çıxış etdik”.

Yarımmüdafiəçi Trnavadakı görüşdəki döyüşkənliyi qeyd edib: "Bu, bizə kömək etdi. Bəzi oyunlarda bəxtimiz gətirməmişdi, bəzilərində yaxşı oynamamışdıq. Qələbələr bizə inam verir. İnşallah, davamlı olacaq".

Emin millidə kapitan olduğu matçlarda qələbə qazanılması barədə sualı da cavablandırıb: "Maksim Medvedev və Qara Qarayev də bunu çox yaxşı yerinə yetirirdi. Sadəcə, belə oldu. Onunla heç bir əlaqəsi yoxdur".

Qeyd edək ki, C liqasının 3-cü qrupunun son turunun Azərbaycan – Qazaxıstan matçı “Dalğa Arena”da baş tutacaq. Oyun saat 20:00-da başlayacaq.
 

• APOEL qiymət yüksəltdi - "Qarabağ" transferdən imtina etdi
• "Traktor"un oyunları bu kanalda yayımlanacaq
• "Qəbələ" Futbol Akademiyası fəaliyyətini dayandırdı
• Elçin Məsiyev: "UEFA Hakimlər Komitəsini təəccübləndirdik"
• Jurnalistlərdən ibarət komanda "Star Cup Azerbaijan - Ulduzlar Liqası"nın qalibi olub - FOTO