Növbəti mövsüm üçün transfer çalışmalarını davam etdirən “Sabah” daha bir keçidi reallaşdırıb. 

Apasport.az klubun saytına istinadən məlumat verir ki, seneqallı futbolçu Abdulaye Ba bundan sonra Bakı təmsilçisinin uğurları üçün çalışacaq. 

Mərkəz müdafiəçisi ilə bağlanmış müqavilənin müddəti 1+1 ildir.

Ba karyerası ərzində Portuqaliyanın “Portu” (2012-2014), “Sportinq” (Kovilya, 2010/11), “Akademika” (2011/12), “Gimaraynş” (2013/14), “Moreyrense” (2020-2022), “Aroka” (2021/22), İspaniyanın “Rayo Valyekano” (2014/15, 2017-2019), “Deportivo” (2019/20), Türkiyənin “Fənərbağça” (2015/16), “Alanyaspor” (2016/17), Almaniyanın “Münhen 1860” (2016/17) və Rumıniyanın “Dinamo” (Buxarest, 2020/21) klublarında çıxış edib. O, Seneqal millisinin heyətində 6 oyun keçirib.

Abdulaye “Sabah”da 13 nömrəli formada çıxış edəcək.

Qeyd edək ki, Bakı klubu Badan öncə Tellur Mütəllimov, Anatoli Nuriyev (hər ikisi "Sumqayıt"), Davit Volkov ("Zirə"), Nicat Mehbalıyev ("Qəbələ": icarədən qayıdıb), Namik Ələskərov ("Bursaspor", Türkiyə) və Con İrasabalı (“Amorebieta”, İspaniya) da rənglərinə bağlayıb. 

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ