“Kəpəz” günün ikinci transferini açıqlayıb.

Apasport.az saytının klubun mətbuat xidmətinə istinadən məlumatına görə, bu dəfə yarımmüdafiə xəttinə yeni oyunçu cəlb olunub.

“Səbail”dən ayrılan hücumçu Rauf Əliyevlə səhər saatlarında münasibətləri rəsmiləşdirən Gəncə təmsilçisi indi də Fərid Nəbiyevlə anlaşıb. Bir müddətdir Premyer Liqanın debütantının düşərgəsində olan 23 yaşlı futbolçu ilə birillik müqavilə imzalanıb.

Fərid Nəbiyevin sonuncu komandası Çexiyanın “Viktoriya” (Jijkov) klubu olub.