“Qarabağ”ın futbolçusu Leandro Andrade bu mövsüm Çempionlar Liqasında oynaya bilər.

Apasport.az saytına verilən məlumata görə, kabo-verdeli oyunçuya Serbiyadan təklif gəlib.

“Srvena Zvezda” “Qarabağ”ın aparıcı futbolçusunu transfer etməyi planlaşdırır.

Serblər “Qarabağ”ın onu buraxmaq istəyində olub-olmadığını soraqlayıb. Hələ ki, Ağdam klubu Andradenin gedişini istəmir.

Hətta ötən mövsüm “Şanxay Şenxua”dan gələn 5 milyonluq təklif də geri çevirilib.

Buna baxmayaraq, “Srvena Zvezda” Leandroya görə “Qarabağ”a təklif göndərəcək. Serbiya çempionu bu mövsüm Çempionlar Liqasında oynayacaq.

Qeyd edək ki, 24 yaşlı yarımmüdafiəçi 2022-ci il yanvarın 13-də “Çerno More”dən ayrılaraq “Qarabağ”a keçib.

Onun Azərbaycan çempionu ilə müqavilə müddəti 2027-ci il iyunun 30-na qədərdir.

• Millimizin Çexiya ilə oyunlar üçün yekun heyəti müəyyənləşib
• Arif Əsədov: “Neftçi” öz imicini itirir”
• "Quba"nın baş məşqçisi bəlli olub
• "Qəbələ"dən növbəti transfer
• PFL Bilik Gününə həsr olunmuş sosial layihə həyata keçirib