“Olimpiakos”un son transferlərindən olan Marselonun Yunanıstan klubunun heyətində debütü ləngiyir.

Apasport.az saytının yerli mətbuata istinadən məlumatına görə, ulduz futbolçunun Pirey klubunda meydana çıxması daha bir neçə gün yubanacaq.

Braziliya millisinin üzvü ölkə çempionatının son turunda “Atromitos”la (2:0) qarşılaşmanın iştirak ərizəsinə salınsa da, ehtiyatda qalıb. Baş məşqçi Miçel 34 yaşlı müdafiəçinin durumundan məmnun olsa da, onu riskə atmaq istəmir. Bu üzdən ispaniyalı çalışdırıcı cinah oyunçusunu Avropa Liqasının qrup mərhələsində “Qarabağ”la sabah keçiriləcək matçda meydana buraxmağı düşünmür.

Bildirilib ki, Marselonun oktyabrın 15-dən sonra tam hazır olması və şans əldə etməsi gözlənilir. Belə olarsa, o, “Qarabağ”la hətta Bakıdakı cavab görüşünü də buraxmalı olacaq.

Qeyd edək ki, sabah “Georgios Karaiskakis” stadionunda keçiriləcək “Olimpiakos” – “Qarabağ” oyunu Bakı vaxtı ilə saat 23:00-da başlayacaq.
 

• Azərbaycan millisinin üzvü futboldan uzaqlaşdırılıb - Rəsmi
• "Turan Tovuz" akademiyasının məşqçiləri məktəblilərlə görüşüb
• Prezident: U-20 Dünya çempionatını Azərbaycanda və Özbəkistanda təşkil etmək ortaq tarixi nailiyyətdir
• Samir Abasov dörd oyunluq cəza alıb
• Azərbaycan millisinin UEFA İnkişaf Turniri üçün heyəti və oyunlarının təqvimi müəyyənləşib