Milli komandaların FİFA reytinqi ilə bağlı təxmini cədvəl açıqlanıb.

Apasport.az saytının məlumatına görə, avqustun 25-də dərc olunacaq siyahıda bəzi dəyişikliklər olacaq.

Azərbaycan millisinin mövqeyi isə dəyişməz qalacaq. Hesabat dövründə heç bir matça çıxmayan Canni de Byazinin yetirmələri 128-ci pillədə qərarlaşacaq.

Yığmamızın aktivindəki xal sayı 1127,17-yə bərabər olacaq. Millimizin qonşularının mövqeyi dəyişəcək. Toqo Komor adalarını keçəcək və sonuncular 127-ci sıraya enəcək.

Qardaş Türkiyə yığmasının da mövqeyi toxunulmaz qalacaq. “Ay-ulduzlular” 1475,13 xalla 42-ci olacaq.

Qeyd edək ki, cədvələ 1837,56 xalla Braziliya başçılıq edəcək.
 

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ