Bu gün futzal üzrə milli komandamızın təlim-məşq toplanışı üçün heyəti açıqlandı.

Siyahıya nəzər yetirdikdə yığmamızın bir neçə əsas üzvünün heyətdə yer almadığını görmək mümkündür. Həm qapıçı Rövşən Hüseynli, həm də yığmanın milliləşdirilmiş futzalçıları açıqlanan “16-lıq”da yoxdur. 

Apasport.az-a daxil olan məlumata görə, bunun səbəbi federasiya rəhbərliyinin qərarıdır. 

İranəsilli və braziliyalı futzalçılar ümumiyyətlə təlim-məşq toplanışına cəlb olunmayacaqlar. Hətta onların bundan sonra da milliyə dəvət alması gözlənilmir. Federasiya rəhbərliyinin qərarına görə, artıq yığmada yalnız azərbaycanlı oyunçular çıxış edəcək. Bu səbəbdən də təlim-məşq toplanışına legionerlər yox, gənc həmyerlilərimiz çağırılıblar.

Karyerasını Qazaxıstanda davam etdirən Hüseynli isə klubu ilə təlim-məşq toplanışında olduğu üçün heyətdə yer almayıb. O, növbəti hazırlıq prosesində milliyə qoşulacaq.

Qeyd edək ki, yığmamız təlim-məşq toplanışı çərçivəsində 2 yoxlama matçı keçirəcək. Vitali Borisovun yetirmələri sentyabrın 19-da və 20-də Çexiya millisi ilə qarşılaşacaq.

İsmayıl Xeyrullayev

• Millimizin rəqibləri bəlli oldu
• De Bleker açıqladı: "Turan"ın qolu təmiz idi?
• Aleks Souzanın durumuna nə vaxt aydınlıq gələcək? - ÖZƏL
• "Neftçi"nin problemi ancaq futbol oynamaqla bağlıdır"
• Millimizin dünya çempionatının seçmə mərhələsindəki rəqibləri açıqlandı