Xəbər verdiyimiz kimi, “Neftçi” Lukas Melano ilə yollarını ayıracaq.

Apasport.az saytına verilən məlumata görə, yeni məşqçilər korpusu da argentinalının xidmətində maraqlı deyil. Sadəcə futbolçu hazırda heç bir klubla razılıq əldə edə bilmir. O, məşqsiz qalmaması, yeni sezona tam hazır olması üçün klubla razılıq əldə etmişdi. 

Melanonun İndoneziya klublarından birinə keçəcəyi gözlənilirdi. Lakin hələ ki, tərəflər arasında razılıq əldə edilməyib. Hazırda isə argentinalı hücumçu bir neçə klubla danışıq aparır, son qərar isə yoxdur.

Roman Qriqorçuk fikrini dəyişəcəyi və onun komandada qalmasını istəyəcəyi təqdirdə, “Neftçi” bunu etmək hüququna malikdir. Belə ki, ötən mövsüm Bakı klubu Melano ilə 1+1 illik şərtilə müqavilə imzalamışdı. 31 yaşlı futbolçunun “Neftçi”də qalacağı, yoxsa ayrılacağı yaxın günlərdə dəqiqləşəcək.

• Azərbaycan Kuboku: Premyer Liqa klubları sensasiyaya imkan vermədi- YENİLƏNİB
• Rüfət Quliyev: "Albaniya klubunun mənə borcu var" - Müsahibə
• "Şamaxı"nın legioneri: "Hakim VAR-a baxmağa getsəydi..." - Müsahibə
• “Turan Tovuz”un futbolçularına danışılmış oyunlarla bağlı seminar keçirilib
• Klozedən Mahir Emreli ilə bağlı açıqlama