Azərbaycan millisinin forvardı Renat Dadaşov Misli Premyer Liqasında oynaya bilər.

Apasport.az saytına verilən məlumata görə, hazırda “Ankaragücü”ndə oynayan forvarda “Neftçi” və “Qarabağ” klubları maraq göstərir.

Bu komandalar Dadaşovu yayda heyətinə qatmaq istəyir.

Renatın komandasının mövsümün sonunda Super Liqaya yüksəlib-yüksəlməməsindən çox şey asılı olacaq. Məsələ burasındadır ki, millimizin hücumçusu yüksək liqada oynamaq istəyir. Əgər “Ankaragücü” bunu bacarmasa, Renatın paytaxt klubundan ayrılmaq ehtimalı var.

Avropadan gələcək təkliflər onu qane etməsə, “Neftçi” və “Qarabağ”dan aldığı təklifi gözdən keçirəcək.

25 yaşlı forvardın “Ankaragücü” ilə müqavilə müddəti 2026-cı il iyunun 30-na qədərdir.

• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi
• “Şamaxı”nın futbolçusu zədəsini sağaldıb - FƏRDİ MƏŞQLƏRƏ BAŞLAYIB