“Neftçi”nin legioneri Mark Tamaş komandanı tərk edə bilər.

Apasport.az saytına verilən məlumata görə, macarıstanlı futbolçuya fərqli ölkələrin klublarından təklif var.

Rusiya Premyer Liqasında yarışan “Fakel” 30 yaşlı müdafiəçi üçün addımlar atıb. Ruslar mərkəz müdafiəçisini heyətində görmək niyyətindədir.

Lakin Tamaş yekun qərarını verməyib. Çünki macar futbolçuya daha bir təklif Polşa yüksək liqasında yarışan “Puşa”dan gəlib.

Yaxın günlərdə Markın “Neftçi”ni tərk edib-etməyəcəyi dəqiqləşəcək.

Qeyd edək ki, o, ötən mövsüm Rumıniyanın “Sepsi” klubundan “Neftçi”yə keçmişdi. Tamaşın Bakı klubu ilə müqaviləsi 2025-ci il iyunun 30-na qədərdir. 

• Renat oynadı, komandası qalib gəldi
• "Neftçi"dən düşüncəli addım: "Futbol sevgisi əngəl tanımır" - FOTO
• Elmar Baxşıyev: “Nəinki Qara, heyətimizdə milli səviyyəsində futbolçular var”
• “Qarabağ” Ovusu Kvabenanı qaytara bilərmiş - EKSKLÜZİV
• Ayxan Abbasov: “Gələn il gənc futbolçuların oynaması çətin olacaq”