Avropa Liqasının qrup mərhələsinin III turunda öz meydanında “Qarabağ”a böyükhesablı məğlubiyyət (0:3) “Olimpiakos” azarkeşlərini qəzəbləndirib.

Apasport.az saytının Yunanıstan mətbuatına istinadən məlumatına görə, “Georgios Karaiskakis” stadionuna toplaşan fanatlar matçın sonlarından etibarən yerli komandaya kəskin narazılıqlarını bildirməyə başlayıb.

“Qarabağ”ın 3-cü qolundan sonra fanatlar “Başqa “Olimpiakos” arzulayırıq”, “Formalarınızı çıxarın, gedin buradan” kimi şüarlar səsləndiriblər. Final fitinin ardından isə arenada azarkeşlər arasında gərginlik yaşanıb, bu isə xaosun yaranmasına yol açıb.

Qeyd edək ki, “Olimpiakos” azarkeşləri matçdan əvvəl də tribunada “Qarabağ” azarkeşlərinə hücum çəkmiş, polislərin müdaxiləsindən sonra sakitləşmişdilər.

• Azərbaycan millisinin üzvü futboldan uzaqlaşdırılıb - Rəsmi
• "Turan Tovuz" akademiyasının məşqçiləri məktəblilərlə görüşüb
• Prezident: U-20 Dünya çempionatını Azərbaycanda və Özbəkistanda təşkil etmək ortaq tarixi nailiyyətdir
• Samir Abasov dörd oyunluq cəza alıb
• Azərbaycan millisinin UEFA İnkişaf Turniri üçün heyəti və oyunlarının təqvimi müəyyənləşib