“PFL-in prezidenti vəzifəsini etibar etdikləri üçün AFFA və klubların rəhbərlərinə təşəkkür edirəm”.

Bunu apasport.az saytına açıqlamasında PFL-in prezidenti Elxan Səmədov deyib.

Qurumun dünən keçirilən Konfransında bu vəzifəyə seçilən futbol funksioneri görüləcək əsas işlərdən birinin VAR-ın tətbiqi olacağını bildirib: “Bildiyiniz kimi bu mövsümdə Azərbaycan Premyer Liqasında VAR tətbiq olunacaq. Bu yenilik oyunların daha maraqlı və şəffaf keçirilməsinə böyük köməklik göstərəcək”.

Prezident postunda Ramin Musayevi əvəzləyərək PFL-in tarixinə ikinci rəhbər kimi düşən Səmədov sponsor məsələsinə də toxunub: “Hazırda sponsorlarla danışıqlar aparılır. Böyük ehtimalla bu mövsümdən Azərbaycan Premyer Liqasında yeni sponsor olacaq”.

Qeyd edək ki, uzun müddətdir sponsoru olmayan Premyer Liqa vaxtilə “Unibank” və “Topaz”la əməkdaşlıq edib.
 

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ