“Qarabağ” Premyer Liqada ardıcıl 10-cu qələbəsini qazanıb.

Apasport.az saytının məlumatına görə, cari mövsümün startında keçirdiyi 7 oyunun hamısında qalib gələn Qurban Qurbanovun yetirmələrinin seriyası ötən çempionatda başlayıb.

Ağdamlılar çempion olduğu mövsümün son üç görüşündə də qalib gəlib. Bu seriya Avropa ölkələrinin milli çempionatlarında 3-cü göstəricidir.

“Qarabağ” davam edən qələbə seriyalarına əsasən yalnız iki komandadan geri qalır. Təmsilçimizi Avropa rekordundan bir qələbə ayırır.

Qitədən hamıdan öndə isə “Molde” və “Düdelanj” qərarlaşıb. Hər iki komanda ardıcıl 11 qələbə əldə edib.

“Düdelanj” “Qarabağ” kimi cari mövsümdə 7 dəfə qalib gəlib. Lüksemburq çempionatının ötən mövsümündəki son 4 matçda qələbə qazanıb.

“Molde” isə yaz-payız sistemi ilə keçirilən Norveç çempionatında fərqlənib. Yarışın lideri 11 qələbəni cari mövsümdə sıralayıb.

Qeyd edək ki, “Qarabağ” növbəti oyununu “Qəbələ”yə qarşı keçirəcək.
 

• Azərbaycan millisinin üzvü futboldan uzaqlaşdırılıb - Rəsmi
• "Turan Tovuz" akademiyasının məşqçiləri məktəblilərlə görüşüb
• Prezident: U-20 Dünya çempionatını Azərbaycanda və Özbəkistanda təşkil etmək ortaq tarixi nailiyyətdir
• Samir Abasov dörd oyunluq cəza alıb
• Azərbaycan millisinin UEFA İnkişaf Turniri üçün heyəti və oyunlarının təqvimi müəyyənləşib