“Qarabağ” yeni transferi Julio Romaonu Çempionlar Liqası üçün sifariş edib.

Apasport.az xəbər verir ki, bu barədə Ağdam klubunun mətbuat xidməti məlumat yayıb.

Bildirilib ki, braziliyalı yarımmüdafiəçinin adı İsveçrə təmsilçisi “Sürix”lə Çempionlar Liqasının II təsnifat mərhələsində keçiriləcək matçlar üçün iştirak ərizəsinə salınıb. Bu isə o deməkdir ki, “Qarabağ”ın yeni “6 nömrəsi” sabah Tofiq Bəhramov adına Respublika Stadionundakı qarşılaşmada debüt edə bilər.

Qeyd edək ki, Julio Romao “Qarabağ”la 4 illik müqavilə imzalayıb.