Avropa Liqasında (AL) 2022/23 mövsümünün ilk püşkatma mərasimi keçirilib.

Apasport.az saytının məlumatına görə, İsveçrənin Nyon şəhərində baş tutan tədbirdə III təsnifat mərhələsindəki cütlüklər müəyyənləşib.

Hazırda Çempionlar Liqasında (ÇL) mübarizə aparan Azərbaycan çempionu “Qarabağ”ın da potensial rəqibləri bəlli olub. Ağdam təmsilçisi ÇL-in II təsnifat mərhələsində İsveçrə çempionu “Sürix”ə məğlub olacağı halda mübarizəni AL-in III raundunda davam etdirəcək.

Bu cütlüyün məğlubu Çempionlar Liqasının II raundunda üz-üzə gələcək “Linfild” (Şimali İrlandiya) – “Bodo-Qlimt” (Norveç) cütünün zəifi ilə qarşılaşacaq. “Qarabağ” – “Sürix” duelinin uğursuz komandası ilk oyununu səfərdə keçirəcək.

Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su isə II mərhələdə “Şkupi”yə (Şimali Makedoniya) yenilsə, Avropa Liqasında “Ludoqorets” (Bolqarıstan) – “Şemrok Rovers” (İrlandiya) cütünün məğlubu ilə gücünü yoxlayacaq.

Qeyd edək ki, Avropa Liqasında III təsnifat mərhələsinin oyunları avqustun 4-də və 11-də keçiriləcək.

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ