Azərbaycan çempionu "Qarabağ"ın Konfrans Liqasındakı növbəti oyunlarının vaxtı dəqiqləşib.

Apasport.az saytının məlumatına görə, Belçika “Gent”i ilə pley-offdakı hər iki qarşılaşmanın başlama saatı bəlli olub.

Gələn il fevralın 16-da Bakıdakı Tofiq Bəhramov adına Respublika stadionunda təşkil olunacaq ilk oyun 21:45-də başlayacaq. Bir həftə sonra səfərdə keçiriləcək qarşılaşma isə Bakı vaxtı ilə saat 00:00-da start götürəcək.

Qeyd edək ki, mövsümə Çempionlar Liqasında başlayan "Qarabağ" pley-offda uduzaraq Avropa Liqasına, orada qrup üçüncüsü olaraq Konfrans Liqasına düşüb.
 

• Millimiz üçün danışılmış oyunlarla bağlı sessiya təşkil olunub
• Rusiya yığmasının matçını Kamal Umudlu idarə edəcək
• "Sabah" heyətini ABŞ-dən olan basketbolçu ilə gücləndirib
• AFFA-nın vitse-prezidenti İspaniya millisinin oyununa təyinat alıb
• Qırğızıstan klubu azərbaycanlı futbolçularla yollarını ayırıb