“Qəbələ” klubunun məşqçilər korpusunda yeni təyinat gerçəkləşib.

Apasport.az bölgə təmsilçisinin mətbuat xidmətinə istinadən xəbər verir ki, Amil Ağacanov “qırmızı-qaralar”ın qapıçılar üzrə məşqçisi olub.

41 yaşlı mütəxəssislə 3 illik müqavilə imzalanıb.

Ağacanov futbolçu karyerası ərzində “Göyəzən” (2004-2005), “Şüvəlan” (2005-2006, 2011-2013, 2015-2016), “Turan” (2006-2007), “Bakı” (2007), “Masallı” (2007-2008), MOİK (2008), “Standard” (2008-2009), “Muğan” (2009-2011), “Simurq” (2013-2015) və “Zaqatala” (2016-2018) klublarında çıxış edib. O, 2004-2005-ci illərdə Azərbaycanın U-21 yığmasının formasını geyinib.

Karyerasını bitirdikdən sonra Naxçıvan Futbol Federasiyasında fəaliyyətə başlayan sabiq qapıçı “Araz-Naxçıvan”da da çalışıb. O, klubun qapıçılar üzrə məşqçisi olub.

Qeyd edək ki, A.Ağacanov “Qəbələ” klubuna gələnə qədər Azərbaycanın U-18 yığmasının məşqçilər korpusunda yer alıb. O, həmçinin qapıçılar üzrə məşqçilər üçün UEFA kurslarına rəhbərlik edən yerli təlimatçılardan biri kimi fəaliyyət göstərib.

• "Neftçi"dən düşüncəli addım: "Futbol sevgisi əngəl tanımır" - FOTO
• Elmar Baxşıyev: “Nəinki Qara, heyətimizdə milli səviyyəsində futbolçular var”
• “Qarabağ” Ovusu Kvabenanı qaytara bilərmiş - EKSKLÜZİV
• Ayxan Abbasov: “Gələn il gənc futbolçuların oynaması çətin olacaq”
• “Araz-Naxçıvan” "Şamaxı" ilə bacarmadı - YENİLƏNİB