Dünən futbol üzrə Azərbaycan çempionatının I Liqasında 2-ci tura yekun vurulub.

“Qəbələ” səfərdə “Qaradağ Lökbatan”ı darmadağın edib – 5:0. Matçdan sonra “qırmızı-qaralar”ın yeni transferi Oçe Oçoveçi apasport.az saytına açıqlama verib.

O, matçla bağlı fikirlərini bölüşüb: “Qaradağ Lökbatan” yaxşı komandadır. Gözəl oyun keçdi. Matçdan həzz aldım. Qələbə qazandığımıza görə çox şadam. Komandamızın oyun tərzini də sevdim. Birlikdə uğurlar əldə edəcəyimizə əminəm”. 

Futbolçu debütü barədə də danışıb: “Qəbələ”də ilk oyunumu keçirdim. Bu, mənim üçün gözəl təcrübə oldu. Gələcək matçlara fokuslanmışıq. Bundan sonra da yeni komandamla bol-bol qələbələr qazanacağımıza inanıram”. 

İsmayıl Xeyrullayev

• Baxşıyev təsdiqlədi: Sabiq “Neftçi”li legioner “Araz-Naxçıxan” yolunda - ÖZƏL
• “Qəbələ” klubu tarixində 900-cü qolu vurub
• "İmarət" stadionundan görüntülər - VİDEO
• Millimizin üzvü: "Ən yaxşı oyunçu seçiləcəyimi gözləmirdim"
• I Liqa: III turun oyun cədvəli