“Qarabağ” Futbol Klubun baş məşqçisi Qurban Qurbanov mövsümün başa çatmasından sonra yaranan fasilədən istifadə edərək Ağdama səfər edib.

"Apasport"un əldə etdiyi məlumata görə, səfər çərçivəsində təcrübəli mütəxəssis Azərbaycanın Milli Qəhrəmanı Allahverdi Bağırovun məzarını ziyarət edib, onun əziz xatirəsini ehtiramla yad edib.

Qurban Qurbanov ziyarət zamanı “Qarabağ"ın UEFA Çempionlar Liqasındakı çıxışını simvolizə edən top və şərfi Milli Qəhrəmanın xatirəsinə ithaf olaraq məzarı üzərinə qoyub.

Allahverdi Bağırov Azərbaycanın müstəqilliyi və ərazi bütövlüyü uğrunda göstərdiyi şücaətlə yanaşı, “Qarabağ” Futbol Klubunun tarixində də xüsusi yer tutur. O, klubun fəaliyyət göstərdiyi ən çətin dövrlərdə komandanın yanında olub, Ağdam futbolunun yaşadılması və inkişafı üçün mühüm xidmətlər göstərib.

• "Şəfa"dan transfer – Kanadalı vinger Bakı klubunda
• Vernidubdan iddialı açıqlama – "Həm liqada, həm avrokubokda..."
• Emin Mahmudovdan mesaj – "Dinamo"nu keçib yolumuza davam etməliyik
• "Qəbələ"dən nigeriyalı transfer – Meşakla müqavilə imzalandı
• "Karvan-Yevlax"dan transfer – Təcrübəli qapıçı ilə 1 illik müqavilə