“Bu qalibiyyət bizi daha da motivasiya edəcək. Qarşıdakı matçlara daha yaxşı hazırlaşa biləcəyik”.
Bu sözləri apasport.az saytına açıqlamasında Rüfət Abdullazadə deyib.
“Səbail”in futbolçusu “Qaradağ Lökbatan”la matçı dəyərləndirib: “Ötən həftə “Sabah”la ağır matç keçirmişdik. Həmin görüşün yorğunluğu hələ də üzərimizdəydi. Həm də heyətdə itkilərimiz var idi. Oyunçu baxımından çətinlik çəkirdik. Lakin bunun üstəsindən gəldik və qələbə qazandıq. Önəmli olan qalibiyyətdir. Çünki komandada ruh yüksəkliyi yaranır və motivasiya artır”.
O, “dənizçilər”in növbəti oyunu barədə danışıb: “Həftəsonu bizi “Araz-Naxçıvan”la çətin duel gözləyir. Həmin görüşə uğurlu nəticə üçün çıxacağıq. Bizim üçün hər xal çox önəmlidir. Vəziyyəti düzəltmək üçün qələbələr qazanmalıyıq. Birlik olsaq, hamılıqla buna inansaq, sonuncu pillədən qurtulacağıq”.
Hücumçu Cavid Hüseynovun təyinatı haqda da fikirlərini bildirib: “Cavid müəllimin gəlişindən sonra fərqlər göz önündədir. Artıq müdafiədə daha yaxşıyıq. Kompakt şəkildə oynayırıq. Hələ üzərində işləyəcəyimiz çox mövzu var. Biz də öz üzərimizdə durmadan çalışırıq”.
Qeyd edək ki, Azərbaycan kubokunun 1/8 final mərhələsinin “Səbail” - “Qaradağ Lökbatan” matçı birincilərin 2:0 hesablı qələbəsi ilə nəticələnib.
İsmayıl Xeyrullayev
Oxşar xəbərlər
Ana səhifə
Bütün xəbərlər
Hesabım