“Qarabağ”ın daha bir futbolçusu “Şamaxı”nın yolunu tutacaq.

Apasport.az saytına verilən məlumata görə, Ağdam klubunun futbolçusu Nihad Quliyev bölgə klubunun yolunu tutmağa yaxındır.

Belə ki, Amin Ramazanovu icarəyə götürmək istəyən “Şamaxı” Quliyevlə də güclənmək niyyətindədir. “Qarabağ”da oyun praktikasından əziyyət çəkən gənc yarımmüdafiəçi özü də başqa komandada oynamağa müsbət yanaşır.

Qeyd edək ki, Nihad 2022/2023 mövsümündə “Şamaxı”da icarə əsasında oynayıb.