2023/2024 mövsümündə I Liqada çıxış edən "İmişli" və "Şamaxı" komandalarına Azərbaycan Premyer Liqasında iştirak üçün lisenziya verilib.

Apasport.az xəbər verir ki, bu barədə AFFA-nın Lisenziya Komissiyası qərar qəbul edib.

“İrəvan”, “Qaradağ Lökbatan”, MOİK və “Zaqatala” isə müvafiq lisenziyanı ala bilməyiblər. "İrəvan" növbəti mövsüm Azərbaycan I Liqasında iştirak etməyəcək.

Beləliklə, "Şamaxı" növbəti mövsüm Azərbaycan Premyer Liqasında, II Liqada çempion olan “Baku Sportinq” isə I Liqada mübarizə aparacaq.