Hər yaşdan insanların, ailələrin stadionlara gəlməsini təşviq etmək məqsədi ilə “Sumqayıt” Futbol Klubu azarkeşlərlə birlikdə “Ailəvi azarkeş” kampaniyasına start verib.

Apasport.az xəbər verir ki, bu barədə klubun mətbuat xidməti məlumat yayıb.

Kampaniyanın şərtləri belədir:

“Avqustun 30-da keçiriləcək “Araz Naxçıvan”la ev oyunumuzda ailənizlə birlikdə (ən az bir böyük və bir uşaq) şəkil çəkdirin və onu bu statusun altında paylaşın.

Sentyabrın 9-u saat 23:59-a qədər ən çox bəyənilən şəkil qalib elan ediləcək və qalib fotonun müəllifinə “Sumqayıt”ın forması və şərfi hədiyyə olunacaq”.

“Ailəvi azarkeş” kampaniyası hər ev oyununda keçiriləcək.

Qeyd edək ki, avqustun 30-da keçiriləcək “Sumqayıt” – “Araz-Naxçıvan” oyununa saat 20:00-da start veriləcək.

• Kaxaber Tsxadadze: “Xarakterli futbolçuları olan komandaya qarşı oynadıq”
• Millimiz ABŞ-yə məğlub oldu
• Şahin Şahniyarov: “Millimiz üçün əlimdən gələnin ən artığını edəcəm”
• Azərbaycan Liqalarında növbəti mövsümün topları təqdim edilib
• Birinci Liqa: "Difai"dən darmadağın, "Qəbələ" və "Karvan"dan xal itkisi - YENİLƏNİB