“Birinci hissədə hücuma keçərək, “Qarabağ”ı bir az da qəzəbləndirmək istəyirdik”.

Apasport.az saytının məlumatına görə, bunu Çexiya klubu “Viktoriya”nın (Plzen) kapitanı Lukaş Heyda Çempionlar Liqasının pley-off mərhələsində “Qarabağ”la Bakıda keçirilən oyun barədə danışarkən deyib.

32 yaşlı mərkəz müdafiəçisi qolsuz bərabərliyi uğurlu nəticə hesab edib: “İlk hissədə şanslarımız oldu, amma fasilədən sonra praktiki olaraq heç nə yaratmadıq. Bununla belə, məsuliyyətlə müdafiə olunduq və 0:0-ı sərfəli nəticə kimi qəbul edirik”.

Qarşılaşmada sarı vərəqə aldığı üçün cəzalı duruma düşən Heyda cavab görüşünü buraxacaq. O, buna görə üzr istəyib: “Revanş oyununda olmayacağım üçün üzr istəyirəm. Amma inanıram ki, komanda yoldaşlarım bu işin öhdəsindən gələcəklər”.

Qeyd edək ki, cavab görüşü avqustun 23-də Plzendə keçiriləcək.

• AFFA bölgə klubunun futbolçusuna 4 oyunluq cəza verib
• "Neftçi"nin gələcəyi hesab edilən Lorenzo “Sampdoriya”da - Müsahibə
• "Turan Tovuz"un futbolçusu: "Bu, o demək deyil ki, qol buraxmaq zəiflikdir"
• "Qarabağ" - "Malmö" matçı: Qonaqlar üçün bilet qiyməti məlum olub
• Arif Əsədov: "De Byazi millidə uğursuz deyildi" - VİDEO