“Boluspor”un futbolçusu Vüsal İsgəndərli yeni sezona fərqli komandada başlaya bilər.

Apasport.az saytına verilən məlumata görə, ona Azərbaycandan da təkliflər gəlib.

Hətta “Kəpəz” onu qış transfer pəncərəsi zamanı heyətinə qatmaq istəyib.

Amma İsgəndərli sonda “Boluspor”da qalmaq istəyib.

Azərbaycan millisinə də ara-sıra cəlb edilmiş vingerin hazırda variantları az deyil.

Ona Albaniyanın “Partizani” klubu, həmçinin Türkiyə 1-ci Liqasında yarışan digər komandalar da maraq göstərir. İsgəndərlinin yeni sezona yeni komandada başlamaq ehtimalı daha böyükdür.

O, mövsümün sonuna yaxın yeni komandası ilə bağlı qərarını verəcək.

29 yaşlı futbolçunun “Boluspor”la müqavilə müddəti 2026-cı il iyunun 30-na qədərdir. O, 2024-cü il yanvarın 11-dən I Liqa klubunda çıxış edir.

İsgəndərli karyerası ərzində “Rəvan”, “Simurq”, “Zirə”, “Keşlə”(indiki “Şamaxı”), “Keçiörengücü”, “Sumqayıt”, “Eqnatiya” klublarında oynayıb.

• Elmar Baxşıyev: “Nöqsanları aradan qaldırmaq lazımdır”
• Cavid Hüseynov: “Əvvəlki turlarda qollar vurmuşuq”
• “Səbail” “Araz-Naxçıvan”dan da xal aldı - YENİLƏNİB
• Renat Dadaşova Bundesliqadan təklif - EKSKLÜZİV
• "Zaqatala" çətin vəziyyətdə