Misli Premyer Liqasının XXII turunda “Səbail”lə qarşılaşan “Qarabağ” ev oyununda 5:0 hesablı qələbə qazanıb.

Apasport.az xəbər verir ki, 75 dəqiqəsi qolsuz bitən görüşdəki bütün toplar hakimin final fitinə 15 dəqiqə qalandan sonraya təsadüf edib

Qurban Qurbanovun yetirmələri bununla da Azərbaycan çempionatları tarixində XXI əsrin rekorduna imza atıb. “Qarabağ” 5 və ya daha çox qol vurduğu görüşdə hesabı ən gec açan komanda olub. Ağdam təmsilçisi ilk topu 76-cı dəqiqədə vursa da, matçın sonunadək “5”ə çatıb.

Bunadək əsrin rekordu “Qəbələ”yə məxsus idi. “Qırmızı-qaralar” 2021/22 mövsümündə “Səbail”lə qarşılaşmada 65-ci dəqiqədə hesabı açdıqdan sonra 5:0 hesabı ilə qalib gəlib.

• “Araz-Naxçıvan” bürünc medala bir addım da yaxınlaşdı - YENİLƏNİB
• AFFA baş məşqçini cəzalandırdı
• "Karvan"dan bərabərlik, "Qəbələ" səfərdə məğlub oldu - YENİLƏNİB
• “Nürnberq” Mahiri buraxmaq istəmir - Danışıqlara başlayıb
• Vlahoviç və “Fənərbaxça” hekayəsi yenə gündəmdə: Elə qiymət oxudular ki...