“Keçən il Azərbaycan D-8 təşkilatına üzv qəbul edildi və ölkəmiz bu qısa müddət ərzində böyük yol qət edib”.

Apasport.az xəbər verir ki, bunu COP29 üzrə baş danışıqçı, xarici işlər nazirinin müavini Yalçın Rəfiyev Bakıda açılışı keçirilən D-8 Gənclər Dialoqunda deyib.

Onun sözlərinə görə, yaradılması planlaşdırılan mərkəzlər D-8 prosesində daha fəal iştirakın təmin olunmasına xidmət edəcək:

“Hal-hazırda üç yeni D-8 mərkəzinin yaradılması istiqamətində addımlar atırıq. Bu mərkəzlər iqlim, media və nəqliyyat sahələrini əhatə edəcək. Oktyabr ayında D-8 həftəsi keçirilmişdir. Texnologiya sürətlə inkişaf edir və bu prosesdə gənclərin rolu xüsusi əhəmiyyət daşıyır. Təşkilatın 9 üzvündən biri olaraq, gənclərin potensialı bizim üçün strateji əhəmiyyət kəsb edir. Türkiyədə COP31-in keçirilməsi nəzərdə tutulur. Bu platformada 350 milyon gəncdən söhbət gedir – onlar dəyişikliklərin memarları və bizim gələcəyimizdir. Bununla yanaşı, Azərbaycanda 13-cü Urban Forum keçiriləcək və bu tədbir şəhərsalma, davamlı inkişaf və gənclərin bu proseslərdəki roluna mühüm töhfə verəcəkdir”.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO