“Zirə”nin Konfrans Liqasındakı mümkün rəqiblərinin ilk oyunu keçirilib.

Apasport.az saytının məlumatına görə, II təsnifat mərhələsinin Yunanıstandakı matçında “Aris” “Qomel”i qəbul edib.

Qarşılaşma meydan sahiblərinin böyükhesablı qələbə ilə başa çatıb. 5:1 hesablı darmadağına sevinən Ellada təmsilçisi növbəti mərhələyə böyük addım atıb. Komandalar arasında cavab görüşü bir həftədən sonra baş tutacaq.

Qeyd edək ki, Təl-Əviv “Makkabi”sini qəbul edən “Zirə” ilk oyunda 0:3 hesabı ilə uduzub.