NBA əfsanəsi və "Şarlot" klubunun sahibi Maykl Cordan xeyriyyə fonduna 10 milyon dollar ianə edib.

Apasport.az xəbər verir ki, o, 17 fevralda 60 illik yubileyi şərəfinə "Make-A-Wish" xeyriyyə fonduna 10 milyon dollar bağışlayıb.

Altıqat NBA çempionunun ianəsi "Make-A-Wish" Fondunun 43 illik fəaliyyətində aldığı ən böyük pul olub.

"Bu hədiyyə Cordanın 30 ildən artıqdır ki, fəal şəkildə dəstəklədiyi arzuların yerinə yetirilməsi baxımından təşkilata sadiqliyinin nümayişidir", – deyə fondun bəyanatında deyilib.