İyunun 15-də böyüklər arasında ne-vaza üzrə ACF Kuboku keçiriləcək. 

Apasport.az xəbər verir ki, yarışda 42 klub və idman cəmiyyətindən olan 194 cüdoçu mübarizə aparacaq.

168 oğlan və 26 qız 12 çəki dərəcəsində medallar uğrunda yarışacaqlar. 

Cüdoda ne-vaza bacarıqları idmançılara görüşlər zamanı yer (parter) texnikalarını inkişaf etdirmək və təkmilləşdirmək imkanı verir. Bu bacarıqlar həm fəndlərdən yayınmaq, həm də rəqibi effektiv şəkildə məğlub etmək üçün vacib strategiyaların formalaşmasında mühüm rol oynayır.

Qeyd edək ki, turnir Hövsan qəsəbəsindəki Fövqəladə Hallar Nazirliyinin İdman Sağlamlıq Mərkəzində keçiriləcək.

• Millimiz beynəlxalq təlim-məşq düşərgəsinə qatılıb
• ACF daha 24 klub və idman təşkilatına beş illik lisenziya təqdim edib
• Cüdoçumuz Avropa Kubokunda gümüş medal qazanıb
• Kəmər dərəcələri üzrə imtahan keçirilib
• Cüdo üzrə kişilər arasında Liqa yarışının II turu keçirilib