Respublika Olimpiya İdman Liseyinin cüdo bölməsinə qəbul imtahanı keçirilib.

Apasport.az xəbər verir ki, bunu Azərbaycan Cüdo Federasiyasının mətbuat xidməti açıqlayıb.

Cüdo üzrə milli komandaların Təlim-Məşq Mərkəzində təşkil olunan imtahanda V–XI siniflər üzrə 40 şagird iştirak edib. İmtahan ACF-nin Təhsil şöbəsinin mütəxəssisləri tərəfindən aparılıb.

Qəbul prosesi fiziki və texniki hazırlıq olmaqla iki mərhələdən ibarət olub. Hər iki mərhələdə "məqbul" nəticə göstərən 20 nəfər liseyin cüdo bölməsinə qəbul edilib.

Qeyd edək ki, növbəti qəbul imtahanı avqustun 27-də keçiriləcək.

• Cüdoçunun kata növü üzrə ölkə çempionatı və birinciliyi keçiriləcək
• Bakıda dünya çempionatı üçün xüsusi videoçarx – Cüdo ulduzları bir araya gəldi
• Cüdoçularımız Bakıda keçirilən beynəlxalq təlim-məşq toplanışında iştirak edir
• Məhəmməd Musayev 2 qat Avropa çempionu oldu
• Cüdoçularımızın Avropa çempionatında ilk rəqibləri bəlli oldu